কেইটামান অসমীয়া সাঁথৰ
সাঁথৰ:
১/খালে থিয় হৈ থাকে, নাখালে শুই থাকে?
উত্তৰ:- বস্তা
২/ অসম দেশৰ বিষম কথা, কি গছৰ পাত গোটা?
উত্তৰ:- পিয়াজ
৩/ পেট ডাঙৰ মুখ সৰু, গিলি খায় মানুহ-গৰু।
উত্তৰ:- ঘৰ
৪/ গছত সেউজীয়া হয়, বজাৰলৈ নিলে ক'লা হয়, খালে ৰঙা হয় কি?
উত্তৰ:- চাহপাত
৫/ বৃক্ষ নহওঁ মই বৃক্ষৰ সন্তান, মানুহৰ সেৱা কৰোঁ নাই অভিমান।
উত্তৰ:- কাঠ
৬/ সৰুকালত দুই শিং ডেকা হ'লে সৰে, বুঢ়া কালত দুনাই গজে, আকাশত চৰে।
উত্তৰ:- জোন
৭/ এজনী কলী গাই, ঘাটে ঘাটে পানী খায়?
উত্তৰ:- বৰশী
৮/ এঠেঙীয়া বগলী, নিতৌ নাচে গধুলি?
উত্তৰ:- বিচনী
৯/ খাওঁতে খায়, পেটো নভৰে মুখেও নাপায়।
উত্তৰ:- উজুটি
১০/ মাক জুটুলী পুতুলী, পুতেক চোকা টেকেলা?
উত্তৰ:- জলকীয়া গছ (মাক) আৰু জলকীয়া (পুতেক)
১১/ ইয়াতে মাৰিলো টিপা, গড়গাঁও পালেগে শিপা।
উত্তৰ:- ভূমিকম্প
১২/ পেট আছে পেটু নাই, মুখ আছে জিভা নাই?
উত্তৰ:- কলহ
১৩/ গছত লাগে চিঙোতাই চিঙে কাঁহীত দিলেই মুতি দিয়ে?
উত্তৰ: নেমু টেঙা
১৪/ হাতীৰ দাঁত কদমৰ পাত ভাঙিব নোৱাৰিলে গোলামৰ জাত।
উত্তৰ: মূলা
১৫/ ইয়াতে মাৰিলো টিপা, গড়গাঁও পালেগে শিপা ?
উত্তৰ: - ভূমিকম্প ৷
১৬/ এটা মাছৰ দুখন ফিচা, বুৰ মাৰিলেই সকলো মিছা ?
উত্তৰ: - নাও ৷
১৭/ ৰজাৰ আলিবাট, তিয়াব পাৰি শুকুৱাব নোৱাৰি ?
উত্তৰ : - জিভা ৷
১৮/ তিনি আখৰে মোৰ নাম সকলোৱে খায়, এটা আখৰ এৰি দিলে ফাটেকলৈ যায় ?
উত্তৰ: - মচুৰ ৷
১৯/ টিঁ টিঁ কৈ টিঞা, ককালটি চিঞা; হনুমন্ত ভাই, মানুহ খেদি যায় ?
উত্তৰ: - বৰল
২০/ ওপৰৰ পৰা পৰিল বাঘিনী, চাৰি ঠেং মেলি হ'ল গাভিনী ?
উত্তৰ : - আঠুৱা
২১/ এডাল মাৰলি দুখন চাল ?
উত্তৰ : - কলপাত ৷
২২/ গুণ গুণ কৰে কিন্তু ভোমোৰা নহয়, লগুণ আছে কিন্তু বামুণ নহয় ?
উত্তৰ: - যঁতৰ ৷
২৩/ ৰজাৰ আলিবাট মেলিব পাৰি, জপাব নোঁৱাৰি ?
উত্তৰ: - চোতাল ৷
২৪/ পাত আছে ডাল নাই, কথা আছে মাত নাই ?
উত্তৰ : - কিতাপ ৷
২৫/ ৰঙাকৈ বামুণটি খোজ কাঢ়ে খৰ, পিছফালে দেখি আহিছোঁ বাঁহৰ তলত ঘৰ ?
উত্তৰ: - আমৰলি পৰুৱা ৷
২৬/ এনু এনু এনু, ধৰিবলৈ নাই ঠেনু ?
উত্তৰ: - কণী ৷
২৭/ লিকি লিকি ডিমৰু চিকি চিকি পাত, পালেং বাবৰি ওঠৰ হাত ?
উত্তৰ : - তামোল গছ ৷
২৮/ ওচৰা ওচৰিকৈ থাকে, দুয়ো যঁজা ভাই , একেলগে ফুৰে ,জগতখন চায়, ইজনে -সিজনক দেকা নাপায়, এইজননো কোন, কোৱাচোন ভাই ?
উত্তৰ: - চকুযোৰ ৷
২৯/ দিনত ভৰি পৰে লৰা ছোৱালী , ৰাতি নাথাকে কোনো প্ৰাণী ?
উত্তৰ: - পঢ়াশালি ।
৩০/ কমাৰ ঘৰৰ ভাটি, বতাহ খাই উজান
ভাটি ?
উত্তৰ: - নাক ।
৩১/ শদিয়ালৈ নাজাবা, সতফুল নখাবা, কেচাঁপাতত নাবান্ধিবা লোণ, উপজিয়ে লৰমাৰে কোন ?
উত্তৰ: - জেঠী ৷
৩২/ চকু আছে কিন্তু দেখা নাপাই
কাণ আছে কিন্তু শুনা নাপাই
মুখ আছে কিন্তু কব নোৱাৰে
কওঁকচোন সেইটো কি?
উত্তৰ: পুতলা
৩৩/ এক ভাই আছে ডালত, এক ভাই আছে স্থলত,
দুই ভাই আছে আকাশ মণ্ডলত, চাৰিও ভাই লগ লাগে মৰণ কালত!
উত্তৰ: তামোল-পাণ, চূণ আৰু ধপাঁত।
৩৪/ এনেকুৱা কি বস্তু নাৰীৰ দুটা থাকে আৰু পুৰুষৰ তিনিটা থাকে?
উত্তৰ: আখৰ বা বৰ্ণ [ নাৰী দুটা আখৰ আৰু পুৰুষ তিনিটা আখৰ]
৩৫/ কি কাম কৰিবলৈ হলে ছোৱালীক লৰাৰ প্ৰয়োজন হয়।
উত্তৰ: বিয়া।